This is our home. We are its people.
We’re the heart of Maori culture and expression.
We’re innovative and we share what we learn.
We’re driving opportunity, enterprise and diversity.
We’re supporting a legacy of sustainability for our environment.
Rotorua is a place for everyone...Tatau tatau - We together.
Koinei tō tātau kāinga. Ko tātau ōna tāngata.
Nā tātau tonu i ora ai te ahurea Māori me ōna āhuatanga katoa.
He iwi auaha tātau e tuku nei i tā tātau e ako nei.
E kokiri nei tātau i te angitu, i te hihiri me ngā rerekētanga maha.
E kaha tautoko nei tātau i whakapūmautanga o te taiao.
Mō te katoa a Rotorua…Tatau tatau
He mea whakaū e Rotorua Vision 2030 ētehi pae tawhiti hei whakatutuki mā te rohe. Inā te nui o ngā kaupapa me mātua titiro i tirohia ai i ngā tau e toru kua taha ake nei – koinei pū ngā kaupapa matua o te tau 2016.
I ngā tau tata, nā te tere tupu me te haumi i whakamōhio mai ai kua anga whakamua te rohe nei. He pai ake te ōhanga ā-rohe tēnā i ngā tau kua hori, kua whai mahi te hunga koremahi, ka mutu, kua tino eke te ahunga tāpoi, te ahunga hokohoko, me te ahunga manaaki. He mea nui ki a mātau kia pēnei tonu te anga whakamua.
He wāhi pai a Rotorua mō ngā pakihi me ngā kaiwhakangao nō waho atu i te rohe nei me te hunga e hiahia ana ki te hūnuku ki ngā rohe. Nuku atu i te 70,000 te nui o te taupori i te tau 2016, he tauaro tērā o te tekau tau e heke haere ana i mua i te tau 2014, nō reira, kua kitea e anga whakamua te rohe nei.
Ahakoa te angitu, kua mōhio tonu ki ngā taumahatanga – pēnei i te hanganga o ngā huarahi, o ngā taputapu wai, o ngā pūnaha para, o ngā whakaritenga tumatanui, o ngā taputapu whare me ngā whare noho, o ngā ratonga me te ahunga manaaki. Ahakoa ēnei taumahatanga hei whakaea mā mātau, he nui tonu e whai hua ana.
Ko Vision 2030 Refresh – ko ngā pae tawhiti i whakatūhia ai i te tau 2013 te tino aronga ā tua atu i konei ki ngā tau e toru e heke ana. Koinei pū te ara e whai nei a Rotorua.
He mahi nui tā Te Kaunihera o ngā Roto o Rotorua i te hapori. Ko tāna he mahi tahi i te taha o te tangata whenua ki te whakarite mai i te anga whakamua e eke ai tātau ki taumata kē atu.
Me mātua mahi ngātahi tātau e whakatauhia ai he aha ngā mea nui e tutuki ai i a tātau me ngā whāinga i whakaritea ai.
Tatau – Tatau
Nā te kōrerorero i whakaritea ai te tuhinga (pdf). Tēnā, tirohia.
Ka whai hua ō korero e mōhio ai te Kaunihera ki hea haere ai ā tua atu.